|
| EMBASSY OF THE UNITED STATES OF AMERICA |
| NEWS RELEASE |
|
1 AMERICAN AVENUE
YEREVAN, ARMENIA
TELEPHONE (+374 10) 464700
FAX (+374 10) 464742
E-MAIL: USINFO@USA.AM |
30 Հունիսի, 2008
ԱՄՆ դեսպանության Ռազմական համագործակցության գրասենյակը գույք է նվիրաբերում Էջմիածնի թիվ 2 հատուկ դպրոցին
Ս.թ. հունիսի 30-ին ԱՄՆ փոխդեսպանի պաշտոնակատար Ռոբերթ Ֆրեյժերը մասնակցեց Էջմիածին քաղաքի թիվ 2 հատուկ դպրոցում տեղի ունեցած ժապավերի կտրման արարողությանը: Նրան միացավ նաև դպրոցի տնօրեն Էլեոնորա Միրաքյանը: Միջոցառումը կազմակերպվել էր դպրոցին ավելի քան 30,000 ԱՄՆ դոլար արժողությամբ կահույք, ինչպես էլեկտրական սալօջախներ և այլ սարքավորումներ նվիրաբերելու առիթով: Դպրոցը հիմնադրվել է 1980թ.-ին և ունի 126 աշակերտ:
Ծրագրի համակարգումն իրականացվում էր ԱՄՆ Կանզաս նահանգի Ազգային գվարդիայի ծառայող մայոր Էդ Քելերի կողմից, որը կցագրված է ԱՄՆ դեսպանության Ռազմական համագործակցության գրասենյակին (ՌՀԳ): Գույքը նվիրաբերվել է Գերմանիայի Շտուտգարտ քաղաքում տեղակայված ԱՄՆ ԶՈՒ Եվրոպական հրամանատարության կողմից: Այս ծրագիրը հանդիսանում է ՌՀԳ մարդասիրական օգնության ծրագրի բաղադրիչներից մեկը, որի շրջանակներում կահույք և կենցաղային տեխնիկա կտրամադրվի Երևանի մանկատներից մեկին, հրշեջ տեխնիկական միջոցներ կնվիրաբերվեն Հայաստանի փրկարար ծառայությանը, և այս տարվա ընթացքում կվերանորոգվեն Հայաստանի հյուսիս-արևելյան շրջանում գտնվող երեք գյուղերի ջրամատակարարման համակարգերը:
ԱՄՆ ԶՈՒ Եվրոպական հրամանատարության (EUCOM) կողմից իրականացվող մարդասիրական օգնության ծրագիրը տարածաշրջանում զինված ուժերի հովանավորության ներքո գործող օժանդակության ամենախոշոր ծրագրերից մեկն է: EUCOM-ը մարդասիրական օգնության միջոցով օժանդակություն է ցուցաբերում մոտ 20 երկրների և տարեկան իրականացնում է մոտ 150 ծրագրեր:
ՀՀ-ում ԱՄՆ դեսպանության Ռազմական համագործակցության գրասենյակը ձգտում է խթանել պաշտպանության ոլորտում Հայաստանին ԱՄՆ կառավարության և արդյունաբերության կողմից օժանդակության ցուցաբերումը: Գրասենյակը գործում է ՀՀ-ում ԱՄՆ առաքելության ղեկավարի և Շտուտգարտում տեղակայված` ԱՄՆ ԶՈՒ Եվրոպական հրամանատարության ենթակայության ներքո:
|
 ԱՄՆ փոխդեսպանի պաշտոնակատար Ռոբերթ Ֆրեյժերը մասնակցեց Էջմիածին քաղաքի թիվ 2 հատուկ դպրոցում տեղի ունեցած ժապավերի կտրման արարողությանը: |
|
 Էջմիածնի N 2 հատուկ դպրոցի անձնակազմը |
|
|
